بیجنگ: (روزنامہ دنیا) چین میں ایک ماہر انجینئر نے 19 ہزار واٹ کی بیٹری سے چلنے والا منی ہیلی کاپٹر تیار کرلیا ہے جس میں دو افراد با آسانی سفر کر سکتے ہیں۔
چینی انجینئر نے اپنا تیار کردہ منی ہیلی کاپٹر گزشتہ روز نمائش کیلئے پیش کیا اور پرواز کا کامیاب مظاہرہ بھی کیا۔ پرواز کے وقت ہیلی کاپٹر میں 2 افراد سوار تھے اور اس ہیلی کاپٹر کو دیکھنے کیلئے بیسیوں افراد موجود تھے۔
سوشل میڈیا پر اس ہیلی کاپٹر کے چرچے ہیں اور کئی تصاویر اور ویڈیوز وائرل ہو رہی ہیں۔ صارفین نے چینی انجینئر کی ایجاد کو زبردست قرار دیتے ہوئے اسے کم خرچ قرار دے دیا اوراس میں سواری کی خواہش کا اظہار کیا ہے۔
