اسلام آباد: ( دنیا نیوز ) وفاقی وزیر برائے انفارمیشن ٹیکنالوجی (آئی ٹی) امین الحق نے کہا ہے کہ عالمی سرچ انجن گوگل نے پاکستان میں رابطہ آفس کھولنے کا فیصلہ کیا ہے۔
اس حوالے سے سید امین الحق نے کہا کہ گوگل آفس کا قیام پاکستانی صارفین کیلئے اہم سنگ میل ثابت ہوگا، گوگل ایشیا پیسیفک نے سکیورٹیز اینڈ ایکسچینج کمیشن آف پاکستان میں رجسٹریشن کروالی ہے، حکام سے رابطے جاری ہیں، دسمبر کے دوسرے ہفتے میں وفد کی پاکستان آمد متوقع ہے، گوگل وفد سے ملاقات میں پالیسیز، صارفین کے مسائل، حکومتی تعاون سمیت دیگر امور پر گفتگو ہوگی۔
انہوں نے مزید کہا کہ گوگل آفس یوٹیوب سمیت گوگل کی تمام ایپلی کیشنز سے متعلق امور کی نگرانی کرے گا، گوگل ایڈورٹائزنگ سے متعلق معاملات پر صارفین کو فوری ریسپانس مل سکے گا، گوگل کو وزارت آئی ٹی و ٹیلی کمیونیکیشن کی جانب سے بھرپور تعاون حاصل ہوگا۔
وفاقی وزیر کا کہنا تھا کہ ٹک ٹاک نے بھی پاکستان میں اپنا رابطہ آفس کھولنے کا اصولی فیصلہ کرلیا ہے، امید ہے فیس بک بھی اس ضمن میں جلد ہی اپنا فیصلہ جاری کرے گا، پاکستان میں بین الاقوامی اداروں کے دفاتر کھولنے کیلئے وزارت آئی ٹی مسلسل ان ادراوں سے رابطے میں ہے۔
پاکستان میں فیس بک مونیٹائزیشن کے پروگرام کا آغاز
وزیر خارجہ بلاول بھٹو زرداری نے سنگاپور میں واقع میٹا (فیس بک) کے ایشیا پیسیفک ہیڈ کوارٹر کا دورہ کیا جہاں انہوں نے پاکستان میں مونیٹائزیشن کے لیے سٹارز پروگرام کا آغاز کر دیا۔
خیال رہے کہ یہ پروگرام پاکستان کے میٹا کنٹینٹ ڈویلپرز کی بڑھتی ہوئی تعداد کے لیے ایک قابل قدر ٹول کے طور پر نوجوان کاروباری افراد کی استعداد کار میں اضافے میں معاون ثابت ہوگا۔
وزیر خارجہ نے جو سنگاپور کے ہم منصب کی دعوت پر سنگاپور کے دو روزہ دورے ہیں نے اس سے قبل صدر حلیمہ یعقوب سے ملاقات کی اور وزیر خارجہ ڈاکٹر ویوین بالاکرشنن کے ساتھ ناشتے میں ملاقات کی۔
صدر یعقوب اور وزیر خارجہ بالا کرشنن کے ساتھ ملاقاتوں کے دوران وزیر خارجہ نے سنگاپور کے ساتھ پاکستان کے تعلقات کی اہمیت پر زور دیا جو آسیان میں ایک اہم شراکت دار ہے۔
دونوں وزرائے خارجہ نے باقاعدہ بات چیت اور بات چیت، اعلیٰ سطح کے دوروں کے تبادلے اور عوام سے عوام کے رابطوں کو فروغ دینے کی اہمیت کو نوٹ کیا۔
انہوں نے اقتصادی تعاون کے امکانات کو کھولنے اور زراعت، ڈیجیٹل معیشت اور ڈیجیٹل فنانس میں تعاون کرنے، علاقائی صورتحال پر تبادلہ خیال کیا اور باہمی فائدہ مند تعاون کو فروغ دینے کے لیے مصروف عمل رہنے پر اتفاق کیا۔
