کیلی فورنیا : ( ویب ڈیسک ) واٹس ایپ میں چیٹس کو پن کرنے والے فیچر میں بڑی تبدیلی کا امکان ظاہر کیا جا رہا ہے۔
میڈیا رپورٹس کے مطابق واٹس ایپ میں کافی عرصے سے چیٹس کو پن کرنے کا فیچر موجود ہے تاکہ اہم بات چیت تک فوری رسائی ممکن ہوسکے،مگر ابھی اس فیچر سے محض 3 چیٹس کو پن کیا جاسکتا ہے۔
WABetainfo کی رپورٹس کے مطابق صارفین کی درخواستوں کے بعد واٹس ایپ نے اس حد کو 3 سے بڑھا کر 5 کرنے کی منصوبہ بندی کی گئی ہے جس سے صارفین کو اپنی فیڈ بہتر بنانے میں مدد ملے گی تاہم فی الحال یہ ایک کانسیپٹ ہے۔
رپورٹ میں ایک اور کانسیپٹ فیچر کے بارے میں بھی بتایا گیا جس کی مدد سے صارفین کسی چیٹ کے اندر مخصوص پیغامات کو پن کرسکیں گے، یعنی پن کیے گئے میسج چیٹ ونڈو میں سب سے اوپر نظر آئیں گے۔
