کیلیفورنیا: (ویب ڈیسک ) معروف ٹیکنالوجی کمپنی ایپل کی جانب سے 2024 میں فولڈ ایبل آئی پیڈ متعارف کروائے جانے کا امکان ہے ۔
میڈیا رپورٹس کےمطابق ایپل تجزیہ کار مِنگ-چی کُو نے سوشل میڈیا سائٹ ٹوئٹر پر لکھا کہ وہ پُر امید ہیں کہ 2024 میں فولڈ ایبل آئی پیڈ متعارف کروا دیا جائے گا۔
تجزیہ کار کا یہ ٹویٹ گزشتہ برس اکتوبر میں آنے والی ایک رپورٹ سے مطابقت رکھتا ہے جس میں کہا گیا تھا کہ ایپل فولڈ ایبل آئی فون سے قبل فولڈ ایبل آئی پیڈ متعارف کروائے گا۔
ایپل کے علاوہ دیگر کمپنیاں ایسے لیپ ٹاپ یا فون بنا رہے ہیں جن کے ڈسپلے فل سائز فولڈ ایبل ہیں تاہم، ایپل نے ابھی تک او ایل ای ڈی ٹیکنالوجی کا ایسا استعمال نہیں کیا ہے۔
رپورٹ کے محقق نے ایک انٹرویو میں کہا کہ فی الحال ایپل کے لیے یہ معقول نہیں ہے کہ فولڈ ایبل آئی فون بنائے ، ممکن ہے کمپنی اس رجحان سے گریز کرے گی اور پہلے فولڈ ایبل آئی پیڈ کے ذریعے یہ آزمائش کرے گی۔
2021 میں تجزیہ کار نے یہ پیش گوئی کی تھی کہ ایپل 2024 میں فولڈ ایبل آئی فون متعارف کروائے گا جبکہ اب ان کا کہنا ہے کہ آئی فون کے بجائے فولڈ ایبل آئی پیڈ لانچ کرایا جائے گا۔
دوسری جانب ایپل کی جانب سے اس معاملے پر فوری طور پر کوئی بیان سامنےنہیں آیا۔
