بیجنگ: (ویب ڈیسک) چینی خلاء نوردوں نے خلاء میں سبزیاں اگانے کا تجربہ کیا ہے۔
رپورٹ کے مطابق چین کے شینژو 16 کے خلاء نورد مستقبل کی خلائی تحقیقات کے پیشِ نظر ٹیانگوگ سپیس سٹیشن میں سبزیاں اُگانے کے تجربات کر رہے ہیں۔
مئی کے آخر میں ٹیانگونگ پر جانے والے (جن کی واپسی 31 اکتوبر کو ہوگئی) مشن کمانڈر جنگ ہائی پینگ اور ان کے ساتھی خلا نورد ژو یینگژو اور گئی ہائیچاؤ نے دو خاص آلات کا استعمال کرتے ہوئے خلائی سٹیشن میں سبزیاں اگائیں۔
جون میں شروع ہونے مشن نے سلاد پتے کی چار فصلیں تیار کیں جبکہ اگست میں دوسرا مشن چیری ٹماٹر اور ہری پیاز اگانے کیلئے شروع کیا گیا ہے، یہ تحقیق محققین کو زمین اور خلاء میں پودوں کے اگنے کے دمیان فرق کا جائزہ لینے میں مدد دے گی ہے۔
محققین کے مطابق یہ تجربہ خلائی تحقیقات میں اعانت کیلئے طویل مدتی منصوبے کا حصہ ہے۔
چائنا آسٹرونوٹ ریسرچ اینڈ ٹریننگ سینٹر سے تعلق رکھنے والے ایک محقق یینگ رینزی کے مطابق سبزیاں اگانے والا آلہ انوارئنمنٹل کنٹرول اینڈ لائف سپورٹ سسٹم (ای سی ایل ایس ایس) کا اہم حصہ ہے، مستقبل میں سائنس دان فوری اور بڑے پیمانے پر فصل کی پیداوار پر توجہ دیں گے۔
