اسلام آباد: (دنیا نیوز) وفاقی وزیر آئی ٹی و ٹیلی کمیونی کیشن شزا فاطمہ خواجہ سے ترکی کے سفیر عرفان نازیروغلو کی ملاقات ہوئی۔
ملاقات میں آئی سی ٹی تعاون، ڈیجیٹل ٹرانسفارمیشن اور اختراعات پر گفتگو کی گئی، پاکستان میں ٹیکنالوجی پارک کے قیام پر تعاون پر تبادلہ خیال کیا گیا۔
اس موقع پر نوجوانوں کے لیے انٹرن شپ اور فیلوشپ ایکسچینج پروگرامز شروع کرنے پر اتفاق کیا گیا۔
وزیر آئی ٹی شزا فاطمہ خواجہ نے کہا کہ وزیراعظم کے ڈیجیٹل نیشن ویژن کے تحت پاکستان ترکی کے ساتھ مضبوط شراکت داری چاہتا ہے۔
ترک سفیر عرفان نازیروغلو نے کہا کہ ترکی پاکستان کے ساتھ ڈیجیٹل روابط اور مشترکہ منصوبے آگے بڑھائے گا۔
