لاہور: (ویب ڈیسک) پنجاب میں ڈرائیونگ ٹیسٹ لینے کیلئے پہلی بار مصنوعی ذہانت والی گاڑی تیار کر لی گئی۔
میڈیا رپورٹس کے مطابق آرٹیفیشل انٹیلجنس (اے آئی) کے فیچرز والی پہلی گاڑی لاہور میں تیار کی گئی ہے جس سے ڈرائیونگ ٹیسٹ لیا جائے گا۔
حکام کا بتانا ہے کہ جلد ہی اے آئی بیسڈ 200 گاڑیاں تیار کر کے تمام ڈرائیونگ ٹیسٹنگ سینٹرز میں پہنچا دی جائیں گی۔
ٹیسٹ کے دوران اگر ڈرائیور نے ریورس گیئر ایک سے زیادہ مرتبہ استعمال کیا تو سافٹ ویئر اسے خود بخود فیل قرار دے کر گاڑی بند کر دے گا جبکہ گاڑی میں کیمرے بھی نصب ہیں۔
ڈی آئی جی ٹریفک پولیس وقار نذیر کا کہنا ہے کہ یہ گاڑی ڈرائیونگ ٹیسٹ کے عمل میں شفافیت اور کارکردگی کو بہتر بنائے گی۔
