اسلام آباد: (دنیا نیوز) پاکستان نے اپنا پہلا جدید سیٹلائٹ خلا میں بھیجنے کی تیاری مکمل کرلی۔
پاکستان کا پہلا جدید ہائپر سپیکٹرل سیٹلائٹ سپارکو کے زیر قیادت تیار کیا گیا ہے جسے اکتوبر 2025 میں خلا میں بھیجےجائے گا۔
سپیس اینڈ اپر ایٹموسفیئر ریسرچ کمیشن (سپارکو) کا کہنا ہے کہ ہائپر سپیکٹرل سیٹلائٹ معدنی وسائل کی تلاش اور زراعت کی ترقی میں نئی راہیں کھولے گا، سیلاب کی نگرانی، گلیشیئر پگھلنےاور فضائی آلودگی پر تحقیق کی صلاحیت بڑھائےگا۔
اس حوالے سے چیئرمین سپارکو محمد یوسف نے کہا کہ یہ سیٹلائٹ معدنیات، پودوں، مٹی اور پانی کے معیار کے درست اعداد و شماردے گا، برسوں میں ہونے والے سروے اب چند دنوں میں کیے جا سکیں گے۔
انہوں نے مزید کہا کہ یہ قدم قدرتی وسائل کے مؤثر استعمال کی راہ ہموار کرے گا۔
