درخت کے تنے پر ہزاروں سال پرانی چینی ثقافت کی عکاسی

بیجنگ: (روزنامہ دنیا) چین سے تعلق رکھنے والے ژینگ چن ہی نامی آرٹسٹ نے ہزاروں سال پہلے قدیم چینی شہر میں خوشحالی کے ایک منظر سے منصوب چینی پینٹنگ کو 40 فٹ قدیم درخت کے تنے پرخوبصورتی سے تراش ڈالا۔

یہ فن پارہ چین کے صوبے فیوجیان میں نمائش کیلئے پیش کیا گیا ہے جس میں مقامی ثقافت کی منفرد انداز میں عکاسی کرتے ہوئے ہزاروں سال پرانی فن تعمیر اور لوگوں کے رہن سہن کو نمایاں کیا گیا ہے۔

ژینگ چن کی یہ کاوش تاریخ کو منفرد انداز میں نئی نسل تک پہنچانے کا خوبصورت انداز ہے جس کو نمائش کے دوران تاریخ کے طلبا نے خوب سراہا۔ اس خوبصورت فن پارے کو گنیز بک آف ورلڈ ریکارڈ میں بھی درج کر لیا گیا ہے۔