نیویارک: (روزنامہ دنیا) ریچھوں کے خاندان کا سڑک کنارے کھڑی کار پر قبضہ کرلیا، مفت میں اگر بیش قیمت گاڑی کا مالک بننا ہو تو یہ صرف کسی انعامی سکیم کے ذریعے ہی ممکن ہوسکتا ہے لیکن امریکہ میں ریچھوں کے خاندان نے خود ہی سڑک کنارے کھڑی کار پر اپنی ملکیت جتا دی۔
سڑک کنارے کھڑی ایک کار کو خالی دیکھ کر ریچھوں کا یہ خاندان اندر جا بیٹھا اور گاڑی کو اپنی ملکیت سمجھ بیٹھا۔ ریچھوں نے اپنے طور پر گاڑی سٹارٹ کرنے کی بہت کوشش کی لیکن بغیر چابی کے گاڑی سٹارٹ نہ ہوسکی اور کچھ دیر میں ریچھ گاڑی کا قبضہ چھوڑ کر اپنی منزل کو چل پڑے۔
