لاہور: (روزنامہ دنیا) ایک اندازے کے مطابق دنیا بھر میں ہر ایک منٹ کے اندر 220 سے زائد بچے پیدا ہوتے ہیں اور 150 کے قریب انسان مر جاتے ہیں۔
میڈیا رپورٹ کے مطابق انٹرنیٹ کی دنیا میں ایک منٹ کے اندر کیا کچھ ہوتا ہے وہ حیران کن ہے۔ گوگل پر 38 لاکھ سوال پوچھے جاتے یا چیزیں تلاش کی جاتی ہیں، فیس بک پر ایک لاکھ افراد لاگ ان ہوتے ہیں،ایک کروڑ 81 لاکھ پیغامات بھیجے جاتے ہیں۔
ای میلز کی بات کی جائے تو 18 کروڑ 80 لاکھ سے زائد ای میل بھیجی جاتی ہیں، ٹوئٹر پر 87 ہزار 500 لوگ خیالات کا اظہار کرتے ہیں اور لوگ 99 ہزار 695 کروڑ ڈالرز سے زائد خرچ کرتے ہیں۔
