لندن: (ویب ڈیسک) دنیا بھر میں متعدد لوگوں کو خراٹوں کی بیماری ہے جس کی وجہ سے کچھ لوگوں کی زندگی مشکلات کا شکار ہو جاتی ہے، خاص طور پر شادی شدہ جوڑوں کے لیے رات کو سونا مشکلات کا سبب بنتا ہے، ایک ٹی وی شو کی تیاری کے لیے بلند ترین آواز میں خراٹے بھرنے والوں کی تلاش شروع کر دی گئی۔
برطانوی خبر رساں ادارے کے مطابق برطانیہ میں ایک ٹی وی شو کی تیاری کے لیے بلند ترین آواز میں خراٹے بھرنے والے افراد کی تلاش ہے۔ اس پروجیکٹ پر کام کرنے والی فائر کریکر فلمز کے شو کی ریکارڈنگ آئندہ ماہ ہوگی جس کے لیے ایسے جوڑوں کی تلاش کی جا رہی ہے جن کی زندگی خراٹوں کی وجہ سے متاثر ہوئی ہو۔
خبر رساں ادارے کے مطابق فائر کریکر فلمز کے ترجمان کا کہنا ہے کہ ایسے لوگوں کی تلاش ہے جنکی زندگی شریک حیات کے خراٹوں کی وجہ سے تباہ ہو کر رہ گئی اور انکے لیے نیند خود ایک خواب بند گئی ہے۔
ترجمان کے مطابق وہ ایک بڑے براڈکاسٹر کے لیے ایک زبردست شو تیارکرنے جا رہے ہیں جس کے لیے انہیں برطانیہ کے سب سے بڑے اور بلند آواز میں خراٹے بھرنے والے جوڑوں کی تلاش ہے۔
