بنگلور: (روزنامہ دنیا) بھارتی ریاسٹ کرناٹکا کے دارالحکومت بنگلور میں حکام نے ٹریفک کی خلاف ورزی کرنیوالوں سے نمٹنے کیلئے غیر معمولی حربہ اپناتے ہوئے پولیس میں مجسموں کو شامل کر لیا۔
ان مجسموں کو ٹریفک پولیس افسروں کی وردیاں پہنائی گئی ہیں جس میں ہیٹ، سفید شرٹ اور روشنی منعکس کرنیوالی کوٹی شامل ہے جس پر پولیس کا نشان بھی بنا ہوا ہے، ان مجسموں کو بڑے چوراہوں پر اس امید سے رکھا گیا ہے کہ یہ ڈرائیورز کو قوانین پر عمل کرنے پر مائل کرینگے، کچھ مجسموں کو دھوپ کے چشمے اور چہرے کے ماسک بھی پہنائے گئے ہیں۔
