میکسیکو : (ویب ڈیسک) پارک میں بھالو نے 15 سالہ بچے کی سالگرہ میں گھس کر سارا کھانا کھالیا۔
غیر ملکی میڈیا کے مطابق واقعہ میکسیکو میں پیش آیا جہاں خاتون اپنے بیٹے کی 15ویں سالگرہ منانے کیلئے بچوں کے ہمراہ چپنک ایکولوجیکل پارک میں موجود تھیں۔
لیکن پرسکون ماحول میں کی جانے والی سالگرہ میں ایک کالا بھالو بن بلائے مہمان بن کر آپہنچا ساتھ ہی سارا کھانا بھی کھالیا جس کی ویڈیو سوشل میڈیا پر وائرل ہوگئی۔
وائرل ویڈیو میں بھالو بہت بھوکا معلوم ہورہا ہے شاید یہی وجہ تھی کہ میز پر رکھے کھانے کو دیکھ کر بھالو بھی خود کو روک نہیں پایا۔
— Clown World (@ClownWorld_) September 26, 2023
ویڈیو میں خاتون کو اپنے بیٹے کے ساتھ بیٹھا دیکھا جاسکتا ہے جبکہ بھالو خاتون کی ٹیبل پر کھڑے مزے سے کھانا کھاتے دیکھا جاسکتا ہے اس دوران مارے خوف کےخاتون نے بیٹے کو خود سے لگایا ہوا ہے اور اس کی آنکھوں پر بھی ہاتھ رکھا ہوا ہے۔
ویڈیو کے سوشل میڈیا پر وائرل ہوتے ہی سوشل میڈیا صارفین کی جانب سے مختلف تبصروں کاسلسلہ جاری ہے کسی نے بھوکے بھالو کو بیچارا کہا تو کسی نے اس ویڈیو کو خطرناک قرار دیا، مزید برآں صارفین کی جانب سے خاتون کی بہادری پر بھی داد دی جارہی ہے۔
