نئی دہلی :(دنیا نیوز) بھارت میں لڈو کھیلتے دولہا کی دلچسپ تصویر سوشل میڈیا پر وائرل، صارفین کا ملا جلا ردعمل سامنےآگیا۔
بھارت میں جہاں آج کل شادی سیزن عروج پر ہے وہیں سوشل میڈیا سائٹ ایکس پر ایک تصویر وائرل ہوئی ہے جس میں دیکھا جاسکتا ہے کہ دولہا شادی کی رسومات کے دوران اپنے دوستوں کے ساتھ موبائل فون پر لڈو کھیلنے میں مصروف ہے۔
یہ پوسٹ اب تک 4 لاکھ 65 ہزار سے زیادہ ویوز حاصل کرچکی ہے، تصویر میں دیکھا جاسکتا ہے کہ دولہا جس وقت لڈو کھیلنے مصروف ہے اس وقت وہاں فوٹوگرافر اور پنڈت بھی موجود ہیں۔
اس تصویر پر سوشل میڈیا صارفین کی طرف سے دلچسپ تبصرے دیکھنے میں آرہے ہیں۔
ایک صارف نے لکھا کہ بنگالی شادی ہونے کے سبب دولہا کوذمہ دار نہیں ٹھہرایا جاسکتا کیونکہ یہ شادیاں کئی روز تک جاری رہتی ہیں، ایک اور صارف نے پھبتی کسی کہ یہ دولہا مستقبل میں اپنے بچوں کواس عمل کی کیا وضاحت دے گا۔
ایک خاتون نے کمنٹ کیا کہ اگر میں دلہن ہوتی تو یہاں سے بھاگ جاتی جبکہ دوسرے صارف نے لکھا کہ ہرموقع کی اپنی روایات ہوتی ہیں اور ان کی پاسداری کی جانی چاہیے۔
