حیدرآباد دکن: (ویب ڈیسک) بھارت میں ایک شخص نے انوکھا طریقہ اپنا کر چوروں کو حیرت میں مبتلا کر دیا۔
غیر ملکی ذرائع ابلاغ کے مطابق چوروں کو حیران کرنے کے لئے ایک شخص نے انوکھا طریقہ اپنایا، اس نے کاغذ پر ایک پیغام لکھا اور اپنے گھر کے دروازے پر چسپاں کر دیا جو سوشل میڈیا پر وائرل ہوگیا۔
میڈیا رپورٹس کے مطابق مذکورہ شخص نے اپنے پیغام میں تحریر کیا کہ ہم سنکرانتی کیلئے زیورات اور رقم لے کر گاؤں جا رہے ہیں، براہ کرم ہمارے گھر نہ آئیں، گھر میں کچھ نہیں ہے۔
سوشل میڈیا پر یہ انوکھا پیغام تیزی سے وائرل ہوگیا اور لوگ اس پوسٹر پر لکھی گئی تحریر پڑھ کر حیرانی میں مبتلا ہوگئے۔
رپورٹس کے مطابق لوگ عام طور پر تہواروں کے موقع پر اپنے آبائی علاقوں کی طرف روانہ ہو جاتے ہیں اور چوروں کو وارداتیں کرنے کا موقع مل جاتا ہے، یہ پیغام چوروں کو چونکانے کیلئے تحریر کیا گیا تھا۔
سنکرانتی کے موقع پر بھارت میں موجود حیدرآباد اور آس پاس کے لوگ بڑی تعداد میں گاؤں یا رشتہ داروں کے گھروں کا رخ کرتے ہیں۔
بھارتی میڈیا کے مطابق یہ تحریر حیدرآباد کے ایک علاقے میں رہنے والے ایک شخص کے مکان کی بتائی جا رہی ہے، جس نے چوروں کے نام یہ پیغام تحریر کیا جسے دیکھ کر محلے والے بھی حیران رہ گئے۔
