مرشد آباد: (ویب ڈیسک) بستر آرام اور نیند کیلئے استعمال ہوتا ہے، لیکن ایک شخص نے اس کو ایک موبائل کار میں بدل دیا ہے جو سڑکوں پر دوڑتے ہوئے دیگر گاڑیوں کو پیچھے چھوڑ رہا ہے۔
ایک دلچسپ اور عجیب واقعہ اس وقت سوشل میڈیا پر وائرل ہو رہا ہے جس میں مغربی بنگال مرشدآباد کے ایک شخص نے بستر کو ایک تیز رفتار گاڑی میں تبدیل کر دیا ہے، اس’بیڈ کار‘ ہائبریڈ کو اس شخص نے ایک سال سے زیادہ کی محنت اور 2 لاکھ روپے کی سرمایہ کاری کے بعد بنایا تھا۔
اس میں سٹیرنگ، بریکس اور ریئر ویو مررز بھی شامل ہیں، اس بستر کی خصوصیت یہ ہے کہ یہ چار پہیوں پر ہے اور اس میں ایک آرام دہ میٹرس، تکیے اور رنگین بیڈ شیٹ بھی ہے جو لوگوں کیلئے نہایت دلچسپی کا باعث ہے۔
مرشدآباد کے 27 سالہ نوجوان، نواز شیخ نے عید کے موقع پر یہ بستر گاڑی سڑکوں پر چلائی جس کی بدولت وہ فوراً مشہور ہوگئے، تاہم شہرت کے ساتھ کچھ مسائل بھی سامنے آئے، رانی نگر، ڈومکل ریاستی روٹ پر ٹریفک جام کے دوران پولیس نے اس گاڑی کو روکا اور اس کو توڑ پھوڑ دیا۔
علاوہ ازیں اس شخص کو کاپی رائٹ کے حوالے سے بھی مسائل کا سامنا ہوا۔
یہ وائرل ویڈیو مختلف سوشل میڈیا پلیٹ فارمز پر تیزی سے پھیل رہی ہے اور اس نے 1 لاکھ سے زائد ویوز حاصل کئے ہیں۔
دیکھنے والوں نے اس ویڈیو پر مختلف قسم کی مزاحیہ اور تعریفی تبصرے کئے ہیں، کچھ نے ہنسی مذاق میں کہا کہ ’بھائی، نمبر پلیٹ کہاں ہے؟‘، جبکہ دیگر نے اس انوکھے ایجاد کی تخلیق کو سراہا۔
