بیجنگ: (دنیا نیوز) چین نے ایف اے ٹی ایف میں پاکستان کی حمایت جاری رکھتے ہوئے کہا ہے کہ رکن ممالک سیاسی ایجنڈے کی بنیاد پر پاکستان کو بلیک لسٹ میں شامل کرانے کی کوششیں ترک کر دیں۔
چین کے ایشیائی امور سے متعلق پالیسی ساز محکمے کے ڈائریکٹر کا کہنا ہے کہ چین چند رکن ممالک کی کوششوں کو کامیاب نہیں ہونے دے گا، چین پاکستان کو بلیک لسٹ میں شامل نہ کرنے کے موقف پر ڈٹا ہوا ہے۔
چین کی جانب سے کہا گیا ہے کہ ایف اے ٹی ایف کے چند ممبر ممالک پاکستان کے خلاف سیاسی ایجنڈا رکھتے ہیں، چین اپنے دوٹوک موقف سے امریکا اور بھارت کو آگاہ بھی کرچکا ہے۔
Reiterating its support to Pakistan at the FATF platform, China has categorically announced that it did not want the forum to be politicized as some countries are pursuing their political agenda in a bid to blacklist Pakistan. pic.twitter.com/xbYCRegHtE
— Information Ministry (@MoIB_Official) October 29, 2019
