ریاض: (روزنامہ دنیا) سعودی شاہ سلمان کے بھائی شہزادہ متعب بن عبدالعزیز 88 برس کی عمر میں انتقال کر گئے
شاہی خاندان کی جانب سے جاری کردہ اعلامیہ میں کہا گیا ہے کہ شہزادہ معتب بن عبدالعزیز کا انتقال پیر کے روز ہوا۔ ان کی نماز آج بعد نمازِ عشا مسجد الحرام میں ادا کی جائیگی۔
شہزادہ متعب مختلف سرکاری محکموں میں اپنی ذمہ داریاں انجام دیں جبکہ انہوں نے ورزگار و آبادکاری، بلدیات، دیہی امور، پانی و بجلی کے وزیر کی حیثیت سے بھی کام کیا۔
شہزادہ متعب بن عبدالعزیز 1931ء کو ریاض میں پیدا ہوئے۔ وہ شاہ عبدالعزیز کے بیٹوں میں 17ویں نمبر پر تھے۔ مرحوم نے ابتدائی تعلیم سعودی عرب میں حاصل کی جس کے بعد وہ اعلیٰ تعلیم کے حصول کے لیے امریکا چلے گئے اور وہاں سے 1955ء میں شعبہ سیاسیات میں گریجویشن کی ڈگری حاصل کرکے مملکت واپس آئے۔
انہوں نے مکہ کے گورنر کی حیثیت سے بھی امور انجام دیے، اُن کے پاس آخری باربلدیات کی وزارت تھی البتہ اپنی عمر کی وجہ سے متعب بن عبدالعزیز نے 2009ء سے ہی سرکاری امورانجام دینے سے معذرت کرلی تھی۔
