مکہ مکرمہ: (ویب ڈیسک) خانہ کعبہ کو غسل دے دیا گیا، اس موقع پر روح پرور تقریب منعقد کی گئی۔
حرمین شریفین کے امور سے متعلق ویب سائٹ کے مطابق روح پرور تقریب میں خانہ کعبہ کو غسل دیا گیا، غسل کعبہ کی تقریب میں سعودی ولی عہد محمد بن سلمان نے خادم حرمین شریفین شاہ سلمان کی نمائندگی کرتے ہوئے دیگر معززین کے ہمراہ حصہ لیا اورخانہ کعبہ کوغسل دینے کی سعادت حاصل کی۔
غسل کعبہ کی تقریب نبی کریم ﷺ کے زمانے سے چلی آرہی ہے، نبی کریم ﷺ سال میں دو مرتبہ خانہ کعبہ کو غسل دیا کرتے تھے۔
PICTURES: His Royal Highness The Crown Prince takes part in the Annual Ka’bah Washing Ceremony in Masjid Al Haram last night pic.twitter.com/IFtz1QHs4A
— Haramain Sharifain (@hsharifain) August 16, 2022
تقریب میں خانہ کعبہ کی اندرونی دیواروں کو عرق گلاب، عود اورمشک میں تر تولیوں سے صاف کیا گیا، خانہ کعبہ کے فرش کو آب زم زم میں عرق گلاب ملا کر کھجور کے پتوں اورہاتھوں سے صاف کیا گیا۔
غسل کعبہ کی رسم میں 45 لٹر آب زم زم، عرق گلاب اور اعلیٰ درجے کا عود استعمال کیا گیا ہے۔غسل کعبہ سے قبل مطاف کو زائرین سے خالی کرا لیا گیا تھا، غسل کعبہ کی تقریب 13 اگست کو منعقد ہونا تھی جسے ملتوی کردیا گیا تھا۔
