واشنگٹن: (ویب ڈیسک) امریکی ریاست ٹیکساس کے شہر ہیوسٹن میں طوفانی بارشوں سے نظام زندگی مفلوج ہوگیا، مختلف حادثات میں 4 افراد جاں بحق ہوگئے۔
غیر ملکی میڈیا کے مطابق ہیوسٹن میں تیز طوفان اور بارشوں کے باعث کئی درخت اکھڑ گئے، سڑکیں اورگلیاں پانی سے بھر گئیں، لاکھوں گھروں اور کاروباری مراکز کو بجلی کی روانی معطل ہوگئی۔
ریسکیو حکام کے مطابق شہریوں کی اموات درخت اور کرین گرنے سے ہوئیں، عوام کو محتاط رہنے اورگھروں میں رہنے کی ہدایات جاری کردی ہیں۔
واضح رہے کہ ہیوسٹن میں رواں ماہ میں دوسری مرتبہ طوفانی بارشیں ہوئی ہیں، ہواؤں کی رفتار 160 کلومیٹرفی گھنٹہ رہی، لوزیانا میں بھی تیز آندھی اور بارش نے تباہی پھیلائی ہے۔
