تل ابیب: (ویب ڈیسک) اسرائیل لبنان جنگ بندی کی کوششوں کے سلسلے میں امریکی نمائندہ خصوصی آموس ہوچسٹن تل ابیب پہنچ گئے۔
میڈیا رپورٹ کے مطابق امریکی خصوصی نمائندے آموس ہوچسٹن اسرائیل اور لبنان میں جنگ بندی کے مشن پر گزشتہ روز اسی مقصد کے پیش نظر بیروت پہنچے تھے جہاں ہوچسٹن نے لبنانی حکومتی عہدے داروں کے ساتھ ملاقاتیں کی تھیں۔
بتایا گیا ہے کہ لبنانی حکومت اورحزب اللہ نے امریکی نمائندے کی طرف سے پیش کردہ جنگ بندی تجویز سے اتفاق کیا ہے، تاہم اس سلسلے میں امریکہ سے کچھ وعدے بھی لینے کی کوشش کی گئی ہے۔
آموس ہوچسٹن نے کہا ہم اگلی امریکی انتظامیہ کے ساتھ بھی ان موضوعات پر بات کرنے کے لیے پہلے ہی تیار ہیں، وہ اس امر سے پوری طرح آگاہ ہوں گے کہ ہم کیا کر رہے ہیں، ہم اس سلسلے میں نئی انتطامیہ کے ساتھ بھی مل کر کام کرنے کو تیار ہیں۔
واضح رہے حزب اللہ نے اسرائیل کے ساتھ اپنی جھڑپوں کا آغاز غزہ میں اسرائیلی بمباری کے خلاف اور حماس کے ساتھ اظہار یکجہتی کے لیے 8 اکتوبر 2023ء کو کیا تھا، یہ 2006ء کے بعد حزب اللہ اور اسرائیل کے درمیان شدید ترین جنگ ہے۔
یاد رہے کہ حزب اللہ کا کہنا ہے کہ غزہ میں اسرائیل نے جنگ بندی مان لی تو حزب اللہ بھی اس جنگ بندی کے بعد اسرائیلی فوج، تنصیبات اور شہروں کو نشانہ نہیں بنائے گا۔
