لندن: (دنیا نیوز) طوفان برٹ سے برطانیہ میں تباہی کا سلسلہ نہ رک سکا، مختلف حادثات میں 5 افراد ہلاک ہوگئے۔
طوفان برٹ کے باعث انگلینڈ اور ویلز میں 4 ہزار سے زائد عمارتیں بجلی سے محروم ہوگئیں، طوفان کے باعث 339 ٹرینیں منسوخ کر دی گئیں، پروازیں بھی متاثر ہوئیں۔
ساحلی علاقوں میں 70 میل فی گھنٹہ کی رفتار سے ہوائیں چلتی رہیں، درجہ حرارت میں اضافہ ہوگیا، برف پگھلنے اور تیز ہوا کے سبب سیلاب کا بھی خدشہ بڑھ گیا، محکمہ موسمیات نے 100 سے زائد سیلاب کی وارننگز اور الرٹ جاری کئے۔
انگلینڈ اور سکاٹ لینڈ میں شدید برفباری سے نظام زندگی مفلوج ہوگیا، بارش اور برف باری کے باعث ایئر پورٹس، ریلوے سٹیشن بند کر دیئے گئے، ذرائع مواصلات کا نظام درہم برہم ہوگیا،سڑکوں پر برف جمع، طوفان کے باعث سیلاب کا خطرہ پیدا ہوگیا۔
