نئی دہلی: (ویب ڈیسک) بھارتی دارالحکومت نئی دہلی علی الصبح زلزلے کے جھٹکوں سے لرز اٹھا۔
بھارتی میڈیا رپورٹس میں بتایا گیا ہے کہ نئی دہلی اور مضافات میں 4.0 شدت کے زلزلے کے جھٹکے محسوس کیے گئے جبکہ زلزلے کی گہرائی 5 کلومیٹر ریکارڈ کی گئی۔
رپورٹ کے مطابق زلزلے کے بعد لوگ خوف کی وجہ سے اپنے گھروں سے باہر نکل آئے تاہم زلزلے کے باعث کسی جانی نقصان کی اطلاع موصول نہیں ہوئی۔
بھارتی میڈیا کی جانب سے مزید بتایا گیا کہ زلزلے کے جھٹکے مقامی وقت کے مطابق صبح 5 بج کر 35 منٹ پر محسوس کیے گئے۔
