قاہرہ: (ویب ڈیسک) مصری عالمی دین نے کہا کہ دوسری شادی کیلئے بیوی شوہر کو ترغیب دے اور اس کا ساتھ بھی دے۔
عرب میڈیا کی رپورٹ کے مطابق مصر کی معروف اسلامی درسگاہ جامعہ الازہر کے عالم ڈاکٹر احمد کریمہ نے کہا ہے کہ مرد کو دوسری شادی کا مکمل حق حاصل ہے اور شرعی قانون اس کے لئے کسی اضافی جواز کا تقاضا نہیں کرتا۔
رپورٹ میں مزید بتایا گیا ہے کہ ایک ٹی وی پروگرام میں گفتگو کرتے ہوئے جامعہ الازہر میں تقابلی فقہ کے پروفیسر ڈاکٹر احمد کریمہ نے وضاحت کی کہ دوسری شادی مباح عمل ہے جو نہ تو فرض ہے نہ واجب، نہ ناپسندیدہ اور نہ ہی حرام، شریعت میں اس کی اجازت انصاف کی شرط پر دی گئی ہے اور ہر مرد کو خود فیصلہ کرنا چاہئے کہ وہ بیویوں کے درمیان عدل کر سکتا ہے یا نہیں۔
ڈاکٹر احمد کریمہ کا کہنا تھا کہ بیوی کو اپنے شوہر کو گناہوں سے بچانے کے لئے دوسری شادی کرنے میں اس کی مدد کرنی چاہئے، ان کا مزید کہنا تھا کہ وہ ایک سے زیادہ شادیوں کی حمایت نہیں کرتے لیکن اسے غلط بھی نہیں سمجھتے۔
