ناگپور: (دنیا نیوز) بھارتی ریاست مہارشٹرا میں شہنشاہ اورنگزیب کا مقبرہ گرانے کیلئے مظاہروں کے سبب ہندو مسلم کشیدگی بڑھ گئی۔
مظاہروں کے دوران ناگپور شہر میں کئی گاڑیاں جلا دی گئیں، گھروں پر پتھراؤ کیا گیا، کئی افراد زخمی ہوگئے، 20 افراد کو زیر حراست لے لیا گیا، بھارت کی ریاست مہارشٹرا کے شہر میں دفعہ 144 نافذ کردی گئی۔
کشیدگی بجرنگ دل اور وشوا ہندو گروپ کے احتجاج کے بعد بڑھی، کانگریس کے رہنما ارشوردن نے فسادات کی ذمہ داری ریاستی حکومت پر عائد کردی اور کہا ریاستی وزرا کی جانب سے لوگوں کو تشدد پر اکسانے کا نتیجہ نکل آیا ہے۔
