نئی دہلی: (دنیا نیوز) پہلگام فالز فلیگ آپریشن، بھارتی رپورٹر نے حیران کن زمینی حقائق بے نقاب کر دیئے۔
بھارتی رپورٹر ارچنا تیواری نے پہلگام فالز فلیگ آپریشن سے جُڑے حیران کن زمینی حقائق آشکار کئے ہیں، یہ حقائق ارچنا تیواری کے سامنے کشمیری ڈرائیور نے بیان کئے۔
یہ گفتگو ارچنا تیواری نے حقائق جاننے کیلئے ریکارڈ کی، کشمیری ڈرائیور نے بتایا کہ بھارتی چینلز دن رات جھوٹا پروپیگنڈا پھیلانے میں مصروف ہیں۔
ارچنا تیواری نے سوال کیا کہ 6 دن کے شادی شدہ جوڑے پر حملہ اور لڑکے کی موت کیا جھوٹ تھی؟ جس پر رکشہ ڈرائیور نے کہا کہ ہاں یہ سب جھوٹ ہے کیونکہ لڑکا زندہ ہے اور سب ڈرامہ چل رہا ہے، بھارت میں سب جھوٹ پھیلایا جا رہا ہے۔
بھارتی خاتون صحافی نے پھر پوچھا کیا بیوہ کا بیان اور ایک متاثرہ شخص کے بچے کی ویڈیو جھوٹ ہے؟، جس پر ڈرائیور نے کہا کہ ہاں یہ سب ایک سیاسی کھیل ہے، دس کلو میٹر دور سے فائر کرنے والے دہشتگرد متاثرین کا مذہب کیسے پوچھ سکتے ہیں ؟۔
رکشہ ڈرائیور نے کہا کہ مودی سرکار نے کشمیریوں کا معاشی قتل عام ترک نہ کیا تو عوام بھی ہتھیار اٹھانے پہ مجبور ہو جائے گی، کشمیری ڈرائیور نے بھارتی رپورٹر ارچنا تیواری کو کہا کہ: "یہ باتیں سب مودی کا ڈرامہ ہیں " پورے بھارت نے کشمیر کو داؤ پر لگا دیا
کشمیری ڈرائیور نے کہا کہ پاکستان تو جنگ کے لیے تیار ہے، جنگ چھڑتے ہی بھاگنے والوں میں سب سے آگے مودی، امت شاہ اور یوگی ادتیہ ناتھ ہوں گے، پھربھارتیوں کو پتہ چل جائے گا کہ انہوں نے مودی سرکار پر بھروسہ کر کے غلطی کی۔
سیاسی تجزیہ کاروں کا کہنا ہے کہ بھارتی میڈیا کا بیانیہ زمینی حقائق سے یکسر مختلف ہے، ارچنا تیواری کا سچ سامنے لانا اس بات کا ثبوت ہے کہ پہلگام فالز فلیگ آپریشن صرف ایک پروپیگنڈا ہے ۔
تجزیہ کاروں نے مزید کہا کہ کشمیری ڈرائیور کی گفتگو مودی سرکار کے ظلم و ستم اور کشمیریوں کے جذبات کی عکاسی کرتی ہے۔
