لیبیا کے ساحل پر تارکین وطن کی 2 کشتیاں الٹ گئیں، 4 افراد ہلاک

تریپولی: (دنیا نیوز) لیبیا کے ساحل پر تارکین وطن کی 2 کشتیاں الٹ گئیں جس کے نتیجے میں 4 افراد ہلاک ہوگئے۔

ہلال احمر کے مطابق ایک کشتی پر بنگلادیش سے تعلق رکھنے والے 26 تارکین وطن سوار تھے، کشتی الٹنے سے 4 افراد جان سے ہاتھ دھو بیٹھے، دوسری کشتی میں 69 تارکین سوارتھے جن میں 2 مصری اور درجنوں سوڈانی شامل تھے، لیبیا کوسٹ گارڈ کے مطابق 91 تارکین وطن کو ریسکیو کرلیا گیا۔

— The Libya Observer (@Lyobserver) November 15, 2025

خیال رہے کہ لیبیا گزشتہ کئی برسوں سے یورپ کی جانب بحیرہ روم عبور کرنے کی کوشش کرنے والے افریقی اور ایشیائی تارکینِ وطن کیلئے ایک اہم گزرگاہ بن چکا ہے، یہاں سے خستہ حال کشتیوں کے ذریعے سمندر پار کرنے کی کوشش میں اکثر جان لیوا حادثات پیش آتے رہتے ہیں۔