روم: (دنیا نیوز) اٹلی کی وزیراعظم جارجیا میلونی نے وینزویلا میں امریکی فوجی آپریشن کی حمایت کا اعلان کر دیا۔
وینزویلا کی صورتحال پر جاری بیان میں اطالوی وزیراعظم جارجیا میلونی نے کہا کہ وینزویلا میں امریکی فوجی کارروائی جائز ہے، امریکی کارروائی کو دفاعی اقدام قرار دیتے ہیں۔
انہوں نے کہا کہ اٹلی نے وینزویلا کے صدر کی خود ساختہ انتخابی فتح کو تسلیم نہیں کیا، ہم وینزویلا میں جمہوری انتقالِ اقتدار کی حمایت کرتے ہیں، البتہ فوجی مداخلت آمریت کے خاتمے کا حل نہیں، وینزویلا میں مقیم اطالوی برادری کی سلامتی اولین ترجیح ہے۔
یہ بھی پڑھیں: مادورو غیر قانونی صدر تھے، ان کے جانے پر کوئی افسوس نہیں: برطانوی وزیراعظم
جارجیا میلونی کا مزید کہنا تھا کہ حکومتوں کی تبدیلی کیلئے بیرونی فوجی طاقت کے حق میں نہیں، سکیورٹی کے خلاف ہائبرڈ حملوں پر دفاعی مداخلت جائز ہے۔
