میڈیا رپورٹس کے مطابق اس فیصلے کے تحت موجودہ فزیکل ہیلتھ کارڈ سسٹم کو مرحلہ وار بند کیا جائے گا اور صحت خدمات تک رسائی کے لیے متبادل انتظام نافذ کیا جائے گا۔

حکام کے مطابق یہ اقدام صحت کے شعبے میں ڈیجیٹل تبدیلی کے تسلسل کا حصہ ہے، نئے فریم ورک کے تحت صحت انشورنس اور ڈیجیٹل شناختی نظام کو مرکزی حیثیت دی جائے گی۔

حکام کا کہنا ہے کہ مریضوں کی معلومات پہلے ہی مربوط ڈیجیٹل سسٹمز میں دستیاب ہیں، اس لیے علیحدہ ہیلتھ کارڈ کی ضرورت کم ہو چکی ہے، اس تبدیلی کا اطلاق 2026 سے ہوگا اور متعلقہ ادارے اس دوران آگاہی مہم اور منتقلی کا عمل مکمل کریں گے۔

صحت کے شعبے سے وابستہ ذرائع کے مطابق اس فیصلے کا مقصد انتظامی عمل کو سادہ بنانا اور خدمات کی فراہمی کو تیز کرنا ہے، رہائشیوں کو مشورہ دیا گیا ہے کہ وہ اپنی صحت انشورنس پالیسیوں کی حیثیت کی تصدیق کریں اور سرکاری پلیٹ فارمز کے ذریعے اپڈیٹس حاصل کرتے رہیں۔

حکام کے بیان کے مطابق منتقلی کا عمل مرحلہ وار ہوگا اور موجودہ صارفین کو مناسب رہنمائی فراہم کی جائے گی، مزید تفصیلات آئندہ اعلانات میں جاری کی جائیں گی۔