ایکس پر جاری ایک بیان میں محسن رضائی نے آئی اے ای اے کی قرار داد کو تکنیکی بنیاد سے محروم اور مکمل طور پر سیاسی قرار دیتے ہوئے خبردار کیا کہ ایجنسی کا موجودہ طرز عمل ممالک کو جوہری عدم پھیلاؤ کے معاہدے سے دستبرداری کی طرف دھکیل سکتا ہے۔

محسن رضائی نے کہا قرارداد پر امریکا اور اسرائیل کے دباؤ کے واضح اثرات نظر آتے ہیں اور ایران اسے قبول نہیں کرتا، آئی اے ای اے کی سیاسی اور خلل ڈالنے والی کارروائیاں مزید ممالک کو این پی ٹی سے نکلنے پر مجبور کرسکتی ہیں۔