اسلام آباد: (دنیا نیوز) انٹرنیشنل مانیٹری فنڈ (آئی ایم ایف) ایگزیکٹو بورڈ نے پاکستان کیلئے دوسری قسط کی منظوری دے دی۔
وزارت خزانہ کے مطابق آئی ایم ایف ایگزیکٹو بورڈ نے پاکستان کیلئے 70 کروڑ ڈالر قرض کی منظوری دے دی، پاکستان کو 70 کروڑ ڈالر کی قسط فوری جاری کی جائے گی۔
پاکستان کیلئے قرض قسط کی منظوری سٹینڈ بائی ارینجمنٹ معاہدے کے تحت دی گئی، پہلے اقتصادی جائزے کی تکمیل پر سٹاف لیول معاہدہ 15 نومبر کو طے پایا تھا۔
پاکستان کو قرض پروگرام میں سے 1.2 ارب ڈالر پہلے ہی مل چکے ہیں، آئی ایم ایف سے 70 کروڑ ڈالر ملنے سے جاری کردہ رقم 1.9 ارب ڈالر ہو جائے گی۔
فروری میں متوقع اگلے اقتصادی جائزہ کی تکمیل کی صورت میں پاکستان کو مزید 1.1 ارب ڈالر ملیں گے۔
— Ministry of Finance, Government of Pakistan (@Financegovpk) January 11, 2024
