اسلام آباد:(دنیا نیوز) اسلام آباد ایئرپورٹ پر کیو آر کوڈ ٹیکنالوجی سے مسافروں کی رہنمائی کی سہولت متعارف کرا دی گئی۔
پی اے اے کے مطابق آسان کیو آر کوڈ کی سہولت خصوصی افراد کے لئے معاون ثابت ہو گی، کیو آر کوڈ سکین کرتے ہی مسافر ڈومیسٹک ڈیپارچر ایریا کا نقشہ دیکھ سکیں گے، انٹر ایکٹو نقشہ کی مدد سے خصوصی مسافر مخصوص راستوں اور سہولیات کی رہنمائی حاصل کرسکیں گے۔
کیو آر کوڈ ایپلی کیشن مسافروں کو جنرل اور سی آئی پی لاؤنجز، نماز، واش رومز اور کھانے پینے کی جگہوں تک بآسانی رہنمائی فراہم کرے گی۔
پی اے اے نے مزید بتایا کہ حال ہی میں آسلام آباد ائیرپورٹ نے شکایت اندراج کے لئے بھی کیو آر کوڈ کی سہولت متعارف کرائی تھی۔
