کراچی: (دنیا نیوز) عالمی و مقامی سطح پر سونے کی قیمتوں میں تاریخ کی بلند ترین سطح کو چھونے کے بعد آج معمولی کمی دیکھی گئی ہے۔
بین الاقوامی مارکیٹ میں فی اونس سونے کی قیمت 9 ڈالر کمی کیساتھ 2859 ڈالر فی اونس ہوگئی جبکہ پاکستان میں فی تولہ سونے کی قیمت میں 900 روپے اور دس گرام سونے کی قیمت میں 772 روپے کی کمی ریکارڈ کی گئی۔
قیمتوں میں کمی کے باعث مقامی صرافہ بازاروں میں فی تولہ سونے کی قیمت 2 لاکھ 98 ہزار 700 روپے اور دس گرام سونے کی قیمت 2 لاکھ 56 ہزار 87 روپے ہوگئی۔
