کراچی :(ویب ڈیسک) ملک بھر میں سونے کی قیمتوں میں تیزی کا سلسلہ آج بھی جاری رہا اور فی تولہ قیمت 400 روپے اضافے سے 2 لاکھ 92 ہزار 200 روپے کی نئی بُلند ترین سطح پر پہنچ گئیں۔
صرافہ مارکیٹس کے مطابق 24 قیراط کے حامل خالص سونے کی فی تولہ قیمت 400 روپے بڑھ کر 2 لاکھ 92 ہزار 200 روپے ہو گئی۔
اسی طرح 10 گرام سونا 343 روپے اضافے سے 2 لاکھ 50 ہزار 514 روپے کا ہوگیا جبکہ عالمی مارکیٹ میں فی اونس سونے کے نرخ 5 ڈالر بڑھ کر 2 ہزار 797 ڈالر ریکارڈ کیے گئے۔
واضح رہے کہ گزشتہ روز 24 قیراط سونے کی فی تولہ قیمت ایک ہزار 500 روپے اضافے سے 2 لاکھ 91 ہزار 800 روپے کی نئی بلند ترین سطح پر پہنچ گئی تھی، اسی طرح 10 گرام خالص سونے کے نرخ 1286 روپے بڑھ کر 2 لاکھ 50 ہزار 171 روپے تک پہنچے جبکہ 22 قیراط 10 گرام سونا 2 لاکھ 29 ہزار 331 روپے میں فروخت ہوا۔
