کراچی: (دنیا نیوز) پاکستان اور عالمی مارکیٹ میں سونا مزید مہنگا، قیمتیں تاریخ کی بلند ترین سطح پرپہنچ گئیں۔
بین الاقوامی مارکیٹ میں فی اونس سونے کی قیمت 14 ڈالر اضافے کیساتھ 2792 ڈالر فی اونس ہوگئی جبکہ پاکستان میں فی تولہ سونے کی قیمت میں 1500 روپے اور دس گرام سونے کی قیمت میں 1286 روپے کا اضافہ ریکارڈ کیا گیا۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 2 لاکھ 91 ہزار 800 روپے اور دس گرام سونے کی قیمت 2 لاکھ 50 ہزار 171 روپے کی بلند ترین سطح پر پہنچ گئی۔
