کراچی: (دنیا نیوز) پاکستان سٹاک مارکیٹ میں اتار چڑھاؤ کا سلسلہ برقرار ہے۔
کاروباری ہفتے کے پانچویں اور آخری روز سٹاک ایکسچینج میں کاروبار کے آغاز پر تیزی دیکھی گئی، 400 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 14 ہزار 265 پوائنٹس کی سطح کو چھو گیا۔
پاکستان سٹاک ایکسچینج میں ٹریڈنگ کا پہلا سیشن مثبت زون میں بند ہوا، 100 انڈیکس 187 پوائنٹس بڑھ کر 1 لاکھ 13 ہزار 900 پوائنٹس کی حد پر بند ہوا۔
دوسرے سیشن میں ٹریڈنگ کے دوران سٹاک مارکیٹ میں مندی چھا گئی، 200 سے زائد پوائنٹس کی کمی کے ساتھ پاکستان سٹاک ایکسچینج میں انڈیکس ایک لاکھ 13 ہزار 487 پوائنٹس کی سطح پر ٹریڈ کر رہا ہے۔
واضح رہے کہ گزشتہ کاروباری دن کے اختتام پر 78 پوائنٹس کی کمی کے ساتھ سٹاک ایکسچینج میں ہنڈرڈ انڈیکس ایک لاکھ 13 ہزار 784 پوائنٹس کی سطح پر بند ہوا تھا۔
دوسری جانب انٹر بینک میں امریکی کرنسی مزید 12 پیسے سستی ہوگئی جس کے ساتھ انٹر بینک میں ڈالر 279.72 روپے سے کم ہو کر 279.60 روپے پر آگیا ہے۔
