بلاول بھٹو سے وفاق ایوان ہائے تجارت و صنعت پاکستان کے وفد کی ملاقات

اسلام آباد: (دنیا نیوز) چیئرمین پی پی پی بلاول بھٹو زرداری سے وفاق ایوان ہائے تجارت و صنعت پاکستان کے چیئرمین عاطف اکرام نے وفد کے ہمراہ زرداری ہاؤس میں ملاقات کی۔

چیئرمین بلاول بھٹو زرداری کو وفاق ایوان ہائے تجارت و صنعت پاکستان کے وفد نے کاروباری طبقے کے مسائل سے آگاہ کیا۔

بلاول بھٹو زرداری نے وفاق ایوان ہائے تجارت و صنعت پاکستان کے وفد کو تاجر برادری کے مسائل کے حل میں مثبت کردار ادا کرنے کی یقین دہانی کرائی۔

چیئرمین بلاول بھٹو زرداری اور تاجر رہنماؤں کے درمیان فیڈریشن اور چیمبر کے امور پر بھی تبادلہ خیال ہوا۔

وفد کے شرکاء میں یونائیٹڈ بزنس گروپ کے گروپ لیڈر مومن علی ملک اور وفاق ایوان ہائے تجارت و صنعت کے نائب صدر ذکی اعجاز شامل تھے۔

آئل اینڈ مارکیٹنگ ایسوسی ایشن کے صدر طارق محمود اور ملک سہیل بھی ملاقات کرنے والوں میں شامل تھے۔