کراچی: (دنیا نیوز) ایف بی آر کے اضافی اختیارات پر حکومت اور بزنس کمیونٹی کے آج اہم مذاکرات ہوں گے۔
بزنس کمیونٹی کا اجلاس کل (منگل کو) اسلام آباد میں وزارت خزانہ کے دفتر میں تین بجے شروع ہوگا، وفاقی وزیر خزانہ، وفاقی وزیر پٹرولیم اور چیئرمین ایف بی آر اجلاس کی قیادت کریں گے۔
کراچی چیمبر، لاہور چیمبر، سیالکوٹ چیمبر، ملتان چیمبر سمیت دیگر چیمبرز کے صدور اجلاس میں شرکت کریں گے۔
حکومت اور بزنس کمیونٹی کے درمیان اجلاس کا دورانیہ دو گھنٹوں پر مشتمل ہوگا، ملک بھر کی دیگر بڑی تجارتی تنظیموں کے صدور بھی اجلاس میں آن لائن شرکت کریں گے۔
کراچی چیمبر آف کامرس کے صدر نے کہا کہ کراچی چیمبرسمیت دیگر تمام چیمبرز کے صدور کی ملاقات ون پوائنٹ ایجنڈے پر ہے۔
صدر کراچی چیمبر نے کہا کہ ایف بی آر کو ملنے والے اضافی اختیارات 37 اے اور 37 بی کو فی الفور واپس لیا جائے۔
