اسلام آباد:(دنیا نیوز) سی ڈی ڈبلیو پی کے اجلاس میں 22.48 ارب روپے لاگت کے 6 منصوبے منظور جب کہ 496.48 ارب روپے کے 9 منصوبے حتمی منظوری کیلئے ایکنک کو بھجوا دیے گئے۔
وفاقی دارالحکومت میں وزیر منصوبہ بندی احسن اقبال کی زیر صدارت سی ڈی ڈبلیو پی کا اجلاس ہوا، جس میں چار اعلیٰ تعلیمی منصوبوں کی منظوری دی گئی، منسوبوں میں ہزارہ یونیورسٹی اور مالاکنڈ میں خواتین کیمپس شامل ہے، غیر ملکی طلبہ کے داخلوں میں اضافے کے لیے جامع حکمت عملی کی ہدایت کم از کم 10 ہزار غیر ملکی طلبہ کو پاکستان لانے کا ہدف ہے۔
وزارت منصوبہ بندی نے جناح میڈیکل کمپلیکس اسلام آباد منصوبے کی منظوری دے دی ، سندھ میں 1 لاکھ 16 ہزار گھروں کی تعمیر کا منصوبہ ایکنک کو ارسال جب کہ آزاد کشمیر اسمبلی کمپلیکس کی تعمیر کا منصوبہ بھی منظورکرلیا گیا۔
اسی طرح کراچی واٹر اینڈ سیوریج سروسز فیز ٹو منصوبہ ایکنک کو ارسال کر دیا گیا، گلگت بلتستان میں پسن سے ہوپر نگر روڈ کی تعمیر کا منصوبہ پر بھی غور ہے، جنوبی پنجاب اور کے پی میں این-55 شاہراہ کی دوہری سڑک کا منصوبہ بھی ایکنک کو بجھوایا گیا۔
علاوہ ازیں اجلاس میں پرانا بنوں روڈ منصوبہ تکمیل کے قریب ہے اور پارٹی کو باقی کام تیز کرنے کی ہدایت کی گئی ، بلوچستان میں ڈوکی تا چمالانگ سڑک کی تعمیر کا منصوبہ ایکنک کو بھیج دیا گیا، وفاقی حکومت نے بلوچستان کی سڑکوں کے لیے 200 ارب روپے کا سب سے بڑا بجٹ مختص کیا۔
