کراچی: (دنیا نیوز) عالمی و مقامی مارکیٹوں میں سونے کی قیمت میں آج بڑا اضافہ ریکارڈ کیا گیا جس سے نرخ تاریخ کی بلند ترین سطح پر پہنچ گئے۔
بین الاقوامی بلین مارکیٹ میں فی اونس سونے کی قیمت 33ڈالر کے اضافے سے 3ہزار 480ڈالر کی نئی بلند سطح پر آگئی جبکہ پاکستان میں فی تولہ سونے کی قیمت میں 3300 روپے اور دس گرام سونے کی قیمت میں 2829 روپے کا اضافہ ریکارڈ کیا گیا۔
قیمتوں میں اضافے کے بعد مقامی صرافہ بازاروں میں فی تولہ سونے کی قیمت 3 لاکھ 70 ہزار 700 روپے جبکہ دس گرام سونے کی قیمت 3 لاکھ 17 ہزار 815 روپے کی بلند ترین سطح پر پہنچ گئی۔
