کراچی: (دنیا نیوز) عالمی مارکیٹ میں سونے کی قیمتوں میں اضافے کے باعث پاکستان میں بھی سونے کے نرخ بڑھ گئے۔
بین الاقوامی بلین مارکیٹ میں فی اونس سونے کی قیمت میں 12ڈالر کا اضافہ ہونے سے نئی قیمت 3ہزار 552ڈالر فی اونس کی نئی بلند سطح پر پہنچ گئی ہے جبکہ پاکستان میں فی تولہ سونے کی قیمت میں 1200 روپے اور دس گرام سونے کی قیمت میں 1029 روپے کا اضافہ ریکارڈ کیا گیا۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 3 لاکھ 77 ہزار 900 روپے اور دس گرام سونے کی قیمت 3 لاکھ 23 ہزار 988 روپے کی نئی بلند ترین سطح پر پہنچ گئی۔
