کراچی: (دنیا نیوز) پاکستان سٹاک مارکیٹ میں ایک لاکھ 59 ہزار پوائنٹس کی حد بحال ہوگئی۔
کاروباری ہفتے کے تیسرے روز بھی کاروبار کے آغاز پر سٹاک ایکسچینج میں زبردست تیزی دیکھنے میں آئی، 900 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 59 ہزار 33 پوائنٹس کی سطح پر پہنچ گیا۔
بعدازاں ٹریڈنگ کے دوران پر ہنڈرڈ انڈیکس معمولی کمی ریکارڈ کی گئی تاہم کاروباری روز کے اختتام پر ہنڈرڈ انڈیکس 291 پوائنٹس کے اضافے کیساتھ ایک لاکھ 58 ہزار 236 پوائنٹس کی سطح پر بند ہوا۔
واضح رہے کہ گزشتہ کاروباری روز کے اختتام پر ہنڈرڈ انڈیکس 390 پوائنٹس کے اضافے کیساتھ ایک لاکھ 57 ہزار 945 پوائنٹس کی سطح پر بند ہوا تھا۔
سٹاک مارکیٹ میں آج 37 ارب 59 کروڑ 12 لاکھ 46 ہزار 435 روپے مالیت کے ایک ارب 2 کروڑ 73 لاکھ 18 ہزار 517 شیئرز کا لین دین ہوا۔
