لاہور: (دنیا نیوز) وزیر اعلیٰ مریم نواز شریف کی جانب سے کاروباری افراد کے لئے خوشخبری سنا دی گئی۔
سماجی رابطے کی سائٹ ایکس پر اپنے پیغام میں وزیراعلیٰ مریم نواز شریف نے بتایا کہ حکومت پنجاب نے ای بز (Ebiz) پورٹل کا آغاز کر دیا ہے۔
مریم نواز شریف نے کہا کہ ای بز صوبے میں کاروباری سہولت اور آسانیوں کے فروغ کی جانب ایک انقلابی قدم ہے۔
— Maryam Nawaz Sharif (@MaryamNSharif) October 14, 2025
وزیراعلیٰ پنجاب نے کہا کہ ای بز پلیٹ فارم سرمایہ کاروں کو اجازت نامے، لائسنس، رجسٹریشن اور لینڈ یوز کنورژن کی مکمل آن لائن سہولت فراہم کرتا ہے۔
مریم نواز شریف کا کہنا تھا کہ کاروباری افراد دفاتر یا گھروں کے آرام دہ ماحول میں بیٹھے بغیر کسی سرخ فیتے، تاخیر یا جھنجھٹ کے ای بز کی سہولتیں حاصل کر سکتے ہیں۔
وزیراعلیٰ پنجاب نے کہا کہ ای بز مزید شفاف، موثر اور کاروبار دوست پنجاب کی تعمیر میں ایک اہم پیش رفت ہے۔
