کراچی: (دنیا نیوز) پاکستان سٹاک مارکیٹ میں مثبت آغاز کے بعد مندی چھاگئی، جس کے باعث سرمایہ کاروں کو اربوں کا نقصان برداشت کرنا پڑا۔
کاروباری ہفتے کے پانچویں اور آخری روز بھی کاروبار کے آغاز پر سٹاک ایکسچینج میں تیزی دیکھنے میں آئی، 500 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 65 ہزار 030 پوائنٹس کی سطح پر پہنچ گیا۔
بعدازاں ٹریڈنگ کے دوران سٹاک ایکسچینج میں مندی چھا گئی جو کاروباری روز کے اختتام تک برقرار رہی جس کے باعث ہنڈرڈ انڈیکس638 پوئنٹس کی کمی کیساتھ ایک لاکھ 63 ہزار 806 پوائنٹس کی سطح پر بند ہوا۔
واضح رہے کہ گزشتہ کاروباری روز کے اختتام پر انڈیکس 1241 پوائنٹس کی کمی کیساتھ ایک لاکھ 64 ہزار 444 پوائنٹس کی سطح پر بند ہوا تھا۔
سٹاک مارکیٹ میں آج 22 ارب 2 کروڑ 6 لاکھ 67 ہزار 286 روپے مالیت کے 50 کروڑ 3 لاکھ 35 ہزار 227 شیئرز کا لین دین ہوا۔
