لاہور: (دنیا نیوز) صوبائی وزیر صنعت و تجارت چودھری شافع حسین نے رنگ روڈ راولپنڈی کے قریب نئی انڈسٹریل اسٹیٹ بنانے کا اعلان کر دیا۔
ایوان صنعت و تجارت راولپنڈی میں صنعت کاروں سے ملاقات کے دوران چودھری شافع حسین نے کہا وزیراعلیٰ مریم نواز کے ویژن کے مطابق صنعت کاری کا عمل تیز کیا گیا ہے۔
انہوں نے کہا کہ ٹیکسٹائل سیکٹر کے فروغ کیلئے قائد اعظم بزنس پارک شیخوپورہ میں گارمنٹس سٹی بنایا گیا، 10 نئی فیکٹریوں کی تعمیر شروع ہو چکی ہے۔
چودھری شافع حسین کا کہنا تھا کہ بہاولپور انڈسٹریل اسٹیٹ میں پہلی بار صنعتی یونٹس لگ رہے ہیں، صنعتکار سپیشل اکنامک زونز میں سرمایہ کاری کی سہولیات سے فائدہ اٹھائیں، وزیراعلیٰ پنجاب جلد تمام ایوان ہائے صنعت و تجارت کے نمائندوں سے ملیں گی۔
صدر ایوان صنعت و تجارت راولپنڈی عثمان شوکت اور گروپ لیڈر سہیل الطاف نے صوبائی وزیر کو اپنے مسائل سے بھی آگاہ کیا۔
