اسلام آباد: (دنیا نیوز) ایئربس کا نیا سوفٹ ویئر تکنیکی مسئلے کا شکار نکلا، کمپنی کی جانب سے پرانا ورژن لوڈ کرنے کی ہدایت کی گئی ہے۔
فضائی کمپنی ایئر بس سوفٹ ویئر تکنیکی ایشو کے سلسلہ میں دنیا بھر میں ایئر بس استعمال کرنے والی بیشتر کمپنیوں کی پروازیں معطل ہوئیں یا تاخیر کا شکار ہیں۔
ایئر بس کا نیا سوفٹ ویئر پیچ (ورژن 104) میں تکنیکی خرابی کی وجہ سے ایئر بس نے تمام ایئرلائنز کو ہدایت کی ہے کہ پرانا ورژن دوبارہ لوڈ کریں۔
ترجمان پی آئی اے عبداللہ حفیظ خان کے مطابق پی آئی اے کے بیڑے میں 17 ایئربس A320 طیارے شامل ہیں، پی آئی اے کے کسی بھی طیارے پر ورژن 104 انسٹال نہیں تھا۔
عبداللہ حفیظ خان نے بتایا کہ پی آئی اے کے تمام طیارے مکمل طور پر محفوظ اور اس وقت آپریشنلی کلیئر ہیں۔
