لاہور (دنیا نیوز ) پاکستان میں سپورٹس ایوارڈز کی بنیاد اور نئی تاریخ رقم کرنے کے لیے پاکستان کا سب سے بڑا سپورٹس چینل پی ٹی وی سپورٹس اور پاکستان سپر لیگ کی سب سے مقبول فرنچائز پشاور زلمی نے قدم سے قدم ملاکر بڑے ایونٹ کا اعلان کر دیا۔
پاکستان کا سب سے بڑا سپورٹس ایوارڈ شو ،زلمی لائف ٹائم اچیوومنٹ ایوارڈز , Powered by PTVC کا انعقاد جلد ہوگا۔ ایوارڈز میں پاکستان اور دنیا بھرکے سپورٹس سپر سٹارز کو ان کی گرانقدر خدمات پر زلمی لائف ٹائم اچیومنٹ ایوارڈ سے نوازا جائیگا۔
دنیائے کرکٹ کے ساتھ ہاکی کے میگا سپر سٹارز ان ایوارڈز میں شرکت کے لیے پاکستان آرہے ہیں۔ اپنی طرز کے ان منفرد اور باوقار ایوارڈزکا مقصد جہاں ایک طرف سپورٹس لیجنڈز کی خدمات کو سراہنا ہے وہیں اتنی بڑی تعداد میں سپورٹس لیجنڈز کا ایک ساتھ پاکستان کے مثبت امیچ اور کھیل پسند ملک اور قوم ہونےکا بھی ثبوت اور شاندار مظاہرہ ہوگا. ایوارڈ میں پاکستان سپورٹس لیجنڈز حنیف محمد، جہانگیر خان سمیت دیگر کھیلوں کے سپر سٹارز کو بھی ایوارڈز دیا جائیگا۔
