لاہور: (ویب ڈیسک) کرکٹ آسٹریلیا کے سچن ٹنڈولکر کی سالگرہ پر کیے جانے والے ’مذاق‘ پر بھارتی شائقین بھڑک اٹھے۔
تفصیلات کے مطابق سابق بھارتی کرکٹر سچن ٹنڈولکر سالگرہ کے روز آسٹریلیا کے سابق فاسٹ بولر ڈیمین فلیمنگ کی بھی سالگرہ تھی۔ کرکٹ آسٹریلیا نے ٹویٹر پر ایک ویڈیو شیئر کی جس میں فلیمنگ لٹل ماسٹر سچن ٹنڈولکر کی تیز گیند سے وکٹ اڑا رہے ہیں۔اس کے ساتھ فاسٹ بولر کو سالگرہ کی مبارکباد دی گئی۔
Some @bowlologist gold from the man himself - happy birthday, Damien Fleming! pic.twitter.com/YcoYA8GNOD
— cricket.com.au (@CricketAus) April 24, 2018
کرکٹ آسٹریلیا کا یہ مذاق بھارتی شائقین کو ایک آنکھ نہ بھایا جنھوں نے ٹویٹر پر خوب دل کی بھڑاس نکالی، ایک نے لکھا کہ ان آسٹریلینز پر جتنی بھی پابندی لگ جائے یہ سدھریں گے نہیں، ایک اور نے لکھا کہ پوری ویڈیو چیک کریں تو معلوم ہوگا کہ فلیمنگ نے ریگ مال سے گیند کو سوئنگ کیلیے تیار کیا تھا۔
