ایڈنبرا: (ویب ڈیسک) ایڈنبرا میں سکاٹ لینڈ کے خلاف دوسرے ٹی ٹوئنٹی میچ میں شعیب ملک کی بہترین بلے بازی، پاکستان نے سکاٹ لینڈ کو جیتنے کے لیے 167 رنز کا ہدف دیا ہے۔ پاکستان نے ٹاس جیت کر پہلے بیٹنگ کرتے ہوئے مقررہ اوورز میں 6 وکٹوں کے نقصان پر 166 رنز سکور کیے۔
کپتان سرفراز احمد نے ٹاس جیت کر پہلے بیٹنگ کا فیصلہ کیا، پاکستان کی جانب سے فخر زمان اور احمد شہزاد نے ٹیم کو اچھا آغاز فراہم کیا اور پہلی وکٹ 60 رنز کے مجموعی اسکور پر گری، احمد شہزاد 24 رنز کی اننگز کھیل کر پویلین واپس لوٹے۔
Innings Break - Pakistan: 166/6 (20 ov) Live Updates: https://t.co/uM9dCYBSF2 #SCOvPAK pic.twitter.com/CPUcTlfjvZ
— PCB Official (@TheRealPCB) June 13, 2018
اگلے ہی اوور میں فخرزمان بھی 33 رنز بنا کر آوٹ ہوگئے، جس کے بعد طلعت حسین اور کپتان سرفراز احمد بیٹنگ کے لیے آئے تاہم سرفراز گزشتہ میچ کی طرح کارکردگی نہ دکھا سکے اور جلد آوٹ ہو کر پولین لوٹ گے۔ تاہم شعیب ملک ناقابل شکست 49 رنز کی جارحانہ اننگز کھیلنے میں کامیاب رہے جس میں 5 چھکے بھی شامل تھے۔
Teams line-up for the second #SCOvPAK T20I. @Usmanshinwari6 replaces Mohammad Amir in the playing XI for Pakistan. pic.twitter.com/1IKdASOkqF
— PCB Official (@TheRealPCB) June 13, 2018
ایڈنبرا میں پاکستان اور سکاٹ لینڈ کے درمیان دو ٹی 20 انٹرنیشنل میچوں کی سیریز کے پہلے میچ میں پاکستان نے سکاٹ لینڈ کو 48 رنز سے شکست دی تھی۔گرین شرٹس کو سیریز میں 0-1 کی برتری حاصل ہے۔ کپتان سرفراز احمد دوسرے میچ میں بھی کامیابی کے ساتھ سیریز اپنے نام کرنے کے خواہاں ہیں۔
